Do 21 ao 25 de novembro celebramos “A Semana de Emprendemento”, na súa segunda edición, xornadas orientadas ao alumnado, nas que tamén participou o profesorado. Creáronse talleres para desenvolver habilidades persoais, sociais e profesionais “vocational-soft skills”. O programa incluíu formacións orientadas ao alumnado dos nosos ciclos, con sesións prácticas como “A maxia de conectar co cliente” impartida por Eloy Xesto, “Falar en público” con Fernando Rodríguez, “Liderazgo” con Emilio Cabezas e “Intelixencia emocional” con José Antonio Sarmiento.

Dentro das 14 sesións contamos con prestixiosos profesionais de referencia para os ciclos de Audiovisual, Turismo e Axencias de Viaxes que permitiron achegar ao alumnado asistente á realidade destes sectores e a súa evolución. Contamos con asociacións como “Músicas ao vivo” e a axencia de artistas “Play-Plan”. Dentro da familia de Turismo contamos con Begoña de “Xeitura”, Alejandro “Falcón Viaxes” e Rosa Dourado de “Genuine Galicia”.

Sempre incluímos algún exalumno/a de o centro para que sentan máis identificados e que participen nas sesións tanto nas propostas dos relatores como realizando preguntas que lles xurdan.

Esta “Semana do Emprendemento” completouse con sesións de “Marketing”, “Plan de empresa, elemento crave para emprender” e “Ferramentas dixitais TRELLO”.

O director do CIFP A Farixa, José Manuel Paredes destacou a “vocación do centro de servir de punto de estímulo e diálogo entre os sectores produtivos e o alumnado” que “pon de manifesto no deseño desta actividade e nos proxectos de innovación e demais iniciativas nas que participamos”.

Desde a Coordinación de Emprendemento agradécese a participación do alumnado (cada vez máis receptiva), ao Orientador do Centro (Impartiu un taller), a Montserrat Padrón que colaborou en seleccionar relatores, do mesmo xeito que os departamentos de Audiovisual e Turismo, ao director e a xefatura de estudos por facilitar o desenvolvemento das xornadas.

Por último, un agradecemento especial a J. Carlos e Ricardo Ameijas (profesores) e aos alumnos de 1º de C.S. de Sistemas de Telecomunicacións que estiveron desde a semana anterior preparando as instalacións de son e imaxe. O seu traballo non resulta visible ao público, pero sen eles, o centro non podería obter un resultado tan positivo (GRAZAS A TODOS).

Axudas a persoas agricultoras mozas para a creación de empresas

09 Febreiro 2022

     A Consellería do Medio Rural convoca axudas para o apoio aos investimentos nas explotacións agrícolas e para a creación de empresas para o desenvolvemento de pequenas explotacións por parte de persoas mozas, así como para a incorporación de mozos e mozas á actividade agraria.

     O prazo de presentación de solicitudes estará aberto ata o 9 de marzo de 2022.
As solicitudes poden presentarse en https://sede.xunta.es co procedemento MR404A e MR405B.

Máis información no DOG do 9 de febreiro de 2022 e en http://mediorural.xunta.gal

* Persoa agricultora moza: a persoa que no momento de presentar a solicitude da axuda á primeira instalación teña cumpridos os 18 anos e non teña cumpridos máis de 40 anos, conte coa capacitación e a competencia profesionais axeitadas e se estableza nunha explotación agraria por primeira vez como titular desa explotación; poderá establecerse de xeito individual ou xunto con outros agricultores, en calquera forma xurídica.

Inmersión en lingua inglesa para estudantes                    

   10 Feb 2022

  A Universidade Internacional Menéndez Pelayo convoca 14.000 axudas para participar en cursos de inmersión en lingua inglesa, destinadas a estudantes universitarios, de Ensinos Artísticos Superiores, outros estudos superiores e Formación Profesional de Grao Superior.

  Os cursos impartiranse en 2 modalidades: modalidade de axilidade oral en inglés xeral e modalidade de inglés especializado. Os cursos terán unha duración de 40 horas lectivas distribuídas en 5 días e desenvolveranse en réxime de internado de domingo a sábado.

Requisitos:
     Poderán solicitar estas axudas os mozos e mozas que cumprisen 18 anos a data de finalización do prazo de presentación de solicitudes, e non cumprisen 30 anos ao 31 de decembro de 2022. As persoas solicitantes teñen que obter a condición de bolseiro/a para cursar Ensinos Universitarios, Ensinos Artísticos Superiores, outros estudos superiores, Formación Profesional de Grao Superior ou 2º curso de Bacharelato nas convocatorias de 2019-2020 ou 2020-2021.

Contía da axuda:

A obtención da axuda comportará a cobertura de todos os gastos inherentes á participación no curso con excepción de 100 euros en concepto de reserva de praza e dos gastos de desprazamento á sede do curso que lle sexa asignado, que serán por conta do participante.

Solicitudes:
As persoas interesadas deberán cumprimentar a solicitude mediante o formulario accesible en www.educacionyfp.gob.es no apartado correspondente a "Trámites e Servizos".

O prazo para a presentación de solicitudes estará aberto ata o 14 de marzo de 2022.
Máis información no BOE do 10 de febreiro de 2022 e en http://www.uimp.es/actividades-academicas/cursos-de-inmersion-en-ingles.html

Curso en Ourense de Monitor/a de actividades de tempo libre da ETL Xirxilar

08 Feb 2022   

A Escola de Tempo Libre Xirxilar organiza en Ourense un curso de Monitor/a de actividades de tempo libre.

Datas: do 21 de febreiro ao 8 de abril de 2022
Modalidade Mixta:
Parte online: 21 de febreiro ao 8 de abril de 2022
Parte presencial: 21 de febreiro ao 30 de marzo (non hai clase o 28 de febreiro e 1 de marzo por ser festa de Carnaval)
Horario parte presencial intensivo: de luns a venres de 8:00 a 13:30

Escola de Tempo Libre Xirxilar
Teléfonos de contacto: 988 223 377 - 638 581 726
Enderezo electrónico: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.
Páxina web: www.xirxilar.com 

DigiTalent                                                                                                

  08 Feb 2022

A Axencia para a Modernización Tecnolóxica de Galicia, Amtega, lanza un programa no marco do Plan DigiTalent para fomentar vocacións e adaptar a estudantes, titulados e profesionais aos novos perfís dixitais

Ao longo das sesións abordaranse temáticas relacionadas con tecnoloxías disruptivas que teñen gran impacto na sociedade dixital. O Big Data, a ciberseguridade, a intelixencia artificial, o internet das cousas, a robótica ou as tecnoloxías relacionadas coa xestión medioambiental serán algúns dos temas a tratar, con contidos adaptados aos diferentes públicos: rapaces e rapazas ata 16 anos, centros educativos e profesionais, estudantes e titulados tanto afíns a perfís tecnolóxicos como a non tecnolóxicos.

O ciclo de webinars abre xa a súa inscrición aos primeiros relatorios para os máis novos/as. As xornadas están deseñadas nun formato breve e participativo. Con isto, a Amtega busca achegar as novas tendencias tecnolóxicas aos asistentes dun xeito dinámico, xerando espazos nos que os participantes poden interactuar cos relatores para resolver as súas dúbidas e inquedanzas.

Iniciativas dirixidas á Xuventude

Outro dos bloques prioritarios de actuación do Plan é a adaptación dos estudantes e profesionais ás demandas do mercado laboral, co obxectivo de maximizar as oportunidades de desenvolvemento profesional dos galegos e galegas no eido das novas tecnoloxías.

En liña con este eixe estratéxico, Altia, DXC Technology e NTT DATA suman esforzos coa Amtega para impulsar a formación especializada e achegar a realidade do mundo da empresa á comunidade universitaria e á Formación Profesional nos próximos meses, con iniciativas como Altia FP Dual, AltiaStaging, Altia TechDay, Altia Premia, o Programa UNIQA, o Observatorio DXC ou a celebración de actividades no marco do Foro Tecnolóxico da Universidade de Vigo.

Toda a información sobre estas iniciativas, así como o resto de actuacións recollidas no catálogo DigiTalent encóntrase dispoñible no espazo web DigiTalent, que ofrece as datas, localizacións e instrucións para participar en constante actualización.

https://digitalent.xunta.gal/gl/actividades/xuventude

Sabías que o teu carné xove inclúe un seguro de viaxe gratuíto?.  

As características principais das garantías de asistencia son as seguintes:  

Asistencia por accidente ou enfermidades durante a viaxe.
- Repatriación ou transporte sanitario de feridos ou enfermos.
- Transporte dos acompañantes.
- Inmobilizacións nun hotel.
- Repatriación ou transporte do asegurado falecido.
- Pago ou reembolso dos gastos médicos, cirúrxicos, farmacéuticos e de hospitalización no estranxeiro.
- Regreso anticipado por falecemento ou hospitalización dun familiar en España do asegurado.
- Servizos de información para viaxes ao estranxeiro.
- Anticipo de gastos de hospitalización no estranxeiro.
- Localización de intérprete en caso de accidente ou enfermidade no estranxeiro.
- Servizo de información sobre asistencia médica.
- Servizo de trámites administrativos para hospitalización.
- Billete de ida e volta para un familiar.
- Gastos de aloxamento para un familiar.

Asistencia por danos á equipaxe.
- Envío e/o reenvío de obxectos esquecidos e/o roubados no transcurso da viaxe.
- Roubos e danos á equipaxe.
- Retraso na entrega de equipaxe.
- Gastos de reposición da documentación de viaxe.
- Roubo na caixa forte do hotel.
- Roubo das chaves da vivenda habitual do asegurado.

Asistencia por retraso dos medios de transporte.
- Retraso na saída da viaxe.
- Cancelación da viaxe por folga.
- Perda da conexión por retrasos.
- Perda do medio de transporte por accidente "in itinere".
- Retraso por "over booking".

Asistencia por responsabilidade civil
- Responsabilidade civil no estranxeiro.
- Anticipo de gastos de defensa legal no estranxeiro.
- Anticipo de fianza xudicial no estranxeiro.
- Servizo de información legal.
- Procura de representante legal no estranxeiro.
- Obtención de salvocondutos.

Para consultar polo miúdo as coberturas e exclusións do seguro:  http://xuventude.xunta.es/uploads/docs/establecementoscarnexove/30455-02A-1034_Asistencia_Viaje_Carnet_Xoven_Mais.pdf